ਸ਼ਿਕਾਇਤ ਬਰਤਨਾਂ ਦੀ ਹੈ ਇਹ ਪਾਣੀ ਰੋਜ਼ ਛਲ ਜਾਵੇ|
ਉਹ ਸਾਰੀ ਰਾਤ ਉਸਤੋਂ ਰੌਸ਼ਨੀ ਦੀ ਮੰਗ ਕਰਦਾ ਹੈ,
ਬਿਸ਼ਕ ਉਸ ਮੋਮਬੱਤੀ ਦਾ ਬਦਨ ਸਾਰਾ ਪਿਘਲ ਜਾਵੇ|
ਕਰੋਗੇ ਕੀ ਤੁਸੀਂ ਉਪਚਾਰ ਇਸ ਸੰਗੀਨ ਮੌਸਮ ਦਾ,
ਦਿਨੇ ਇਹ ਹਾਦਸੇ ਦੇਵੇ ਤੇ ਰਾਤੀਂ ਰਾਹ ਨਿਗਲ ਜਾਵੇ|
ਹਿਫ਼ਾਜ਼ਤ ਦੀਵਿਆਂ ਦੀ ਆਲ਼ਿਆਂ ਤੋਂ ਖੋਹਣ ਤੋਂ ਪਹਿਲਾਂ,
ਜ਼ਰਾ ਧੀਰਜ਼ ਧਰੋ ਸ਼ਾਇਦ ਹਵਾ ਦਾ ਰੁਖ਼ ਬਦਲ ਜਾਵੇ|
ਅਸੀਂ ਮੰਜ਼ਿਲ ਦੇ ਰਾਹ ਵਿਚ ਮਿੰਟ ਵੀ ਬਰਬਾਦ ਕਿਉਂ ਕਰੀਏ,
ਜਾਂ ਆ ਜਾਵੇ ਨਦੀ ਨੇੜੇ ਜਾਂ ਸਾਡੀ ਪਿਆਸ ਟਲ ਜਾਵੇ|
ਮੁਹੱਬਤ ਨੂੰ ਝਨਾਂ ਅੰਦਰ ਘੜਾ ਕੱਚਾ ਹੀ ਮਿਲਦਾ ਹੈ,
ਹੁਣੇ ਹੀ ਵਰਜ਼ ਸੁਹਣੀ ਨੂੰ ਸੁਧਰ ਜਾਵੇ ਸੰਭਲ ਜਾਵੇ|
ਪਰਿੰਦੇ ਪਰਤਦੇ ਵੇਖਾਂ ਜਦੋਂ ਪੱਛਮ 'ਚੋਂ ਪੂਰਬ ਨੂੰ,
ਤਾਂ ਇਕ ਹਉਂਕਾ ਜਿਹਾ ਉੱਠੇ ਤੇ ਡਾਰਾਂ ਨਾਲ ਰਲ ਜਾਵੇ|
ਅਚਾਨਕ ਇਸ ਤਰ੍ਹਾਂ ਮਹਿਸੂਸ ਹੁੰਦਾ ਹੈ ਕਈ ਵਾਰੀ,
ਕੋਈ ਅਪਣਾ ਜਿਵੇਂ ਕੋਲੋਂ ਹਵਾ ਬਣਕੇ ਨਿਕਲ ਜਾਵੇ|
ਬਣਾ ਲੈ ਸਖ਼ਤ ਅਪਣੇ - ਆਪ ਨੂੰ ਹੁਣ ਪੱਥਰਾਂ ਵਰਗਾ,
ਇਹ ਸੰਭਵ ਹੈ ਕੋਈ ਫੁਲ਼ ਸਮਝ ਕੇ ਪੈਰੀਂ ਮਸਲ ਜਾਵੇ|
ਉਹਦੀ ਪਹਿਚਾਣ 'ਦਾਦਰ' ਭੀੜ ਦੇ ਅੰਦਰ ਨਹੀਂ ਰੁਲਦੀ,
ਜੋ ਲੈ ਕੇ ਜਾਗਦਾ ਸਿਰ ਭੀੜ 'ਚੋਂ ਵਖਰਾ ਨਿਕਲ ਜਾਵੇ|
ਜੋ ਲੈ ਕੇ ਜਾਗਦਾ ਸਿਰ ਭੀੜ 'ਚੋਂ ਵਖਰਾ ਨਿਕਲ ਜਾਵੇ|
No comments:
Post a Comment